sunnuntai 20. joulukuuta 2009

Fieteri - prukrammi lapsenmielisile!








Fieterin ilopilleri Rolf Digervall(salkkumies) on taas följyssä!

Fieteri tarjoaa kaikile kläpile, mutta kans täysile, paljon hyymoria ja hullutuksia mutta kans vähä vakavampaa. Fieteri ossaa, ja tekkee yhtä ja toista mutta harvoin niinko kaikki muut pruukava tehhä. Hällä oon kohta aina oma spesiaali tapa ratkassa prupleemit.
Pääsemä lasten mukhaan Tornionlaakshoon. Minkälaista oon asua kaukana Pohjois- Ruottissa? Muun muassa Sofia lähtee Väylän yli kouhluun Suomen puolele, Jesper mennee pölkkypiilin kyythiin ja Johanna trääna painia ja käypii ensimäisen matsin.
Fieterissä on koko ajan kova meno päälä, fanttasiia ja hauskoja hoksauksia.Fieterinä näemä Ingemar Raukolan Mataringistä ja paljon vierhaita.
Jos teilä näkkyy kanava SVTB (Barnkanalen), niin töllö auki tiistaina klo 10 Ruottin aikaa ja sitte joka aamu samhaan aikhaan uen vuen aathoon asti.